Изминатиов месец во болницата во Гевгелија лекарска помош побарале 50 деца и бебиња со симптоми за респираторни инфекции, неспецифични за овој период од годината. Докторите Аспазија Софијанова, Весна Мицевска и Валентина Јовановска Огненовиќ од Клиниката за педијатрија утре ќе се упатат на испомош на педијатрите во Општата болница Гевгелија за евентуални дополнителни испитувања во делот на специфична дијагностика, велат од министерството за здравство. Моментално во гевгелиската болница хоспитализирани се само две бебиња поради возраста, а дваесетина деца се на терапија, но не се задржани на болничко лекување.
– Општата болница Гевгелија досега ги има преземено сите здравствени протоколи за третман на младите пациенти, но поради неспицифичноста на самите инфекции кои се појавиле во топлиот период, а карактеристични се за есен и зима, потребни се дополнителни анализи и по нивното завршување јавноста ќе биде информирана, се вели во соопштението од Министерство за здравство.