Украинските власти потврдија пад на хеликоптер во близина на градинка во Бровари, град недалеку од главниот град Киев. Во несреќата загинаа 18 лица, јавува Би-Би-Си.
Како што јави Би-Би-Си, меѓу најмалку 18 загинати се највисоките функционери на МВР – министерот, неговиот заменик и државниот секретар.
„Во моментот на оваа трагедија во градинката имало деца и персонал. Сега сите се евакуирани. Има жртви“, напиша на Телеграм гувернерот на Киевската област Олексеј Кулеба.
Засега не е јасно што ја предизвикало падот на хеликоптерот.
Службите за итни случаи излегоа на местото на настанот, изјави Кирило Тимошенко, заменик началник на кабинетот на претседателот на Украина.
Мештаните слушнале експлозија во градот, а потоа и голем пожар во близина на градинката.
Според Олексиј Кулеба, шеф на регионалната воено-цивилна администрација на Киев, децата биле во градинка кога хелихоптерот паднал.
„Во моментот на трагедијата во градинката имало деца и вработени во установата, сите се евакуирани. Има жртви. На местото на несреќата има брза помош, полиција и пожарникари“, рече тој.
„Утрово, на 18 јануари, во Бровари се урна хеликоптер на Државната служба за вонредни состојби. Во несреќа загина раководството на МВР: министерот, првиот заменик министер и државниот секретар. Се знае дека вкупно загинале 16 лица, меѓу кои и две деца. Од нив, девет биле во хеликоптерот“, информира шефот на Националата полиција на Украина Игор Клименко.
Тој додаде дека 22 повредени се во болница, од кои 10 се деца.
Сите специјализирани единици работат на лице место. Увидот на местото на настанот е во тек.