Во хотелите „Попова Шапка” и „Славија” на Попова Шапка, сопственост на ЕСМ, се сместени 154 лица во државен карантин, како дел од владините мерки за спречување на ширење на коронавирусот.
Сместувањето, како што информираат од ЕСМ, е извршено во текот на вчерашниот и денешниот ден, а капацитетите на хотелите се пополнети со граѓани кои се вратија со организираните авионски летови од Виена и од Базел.
„При приемот, лицата се контролирани и анкетирани од медицинска екипа на Клиничкиот центар Тетово, со постојано присуство и асистенција на МВР. Дистрибуцијата на храна, вода и средства за хигиена до собите се извршува од страна на вработените во „Елемтурс”, според пропишаните процедури и протоколи“, велат од ЕСМ.