Во израелските напади врз Појасот Газа убиени најмалку 56 луѓе

Најмалку 56 луѓе се убиени во израелските напади на неколку локации во Појасот Газа, соопштија денес локалните здравствени службеници.

Нападите започнаа доцна синоќа и продолжија во утринските часови, кога 12 луѓе беа убиени на стадион во градот Газа, кој служеше како засолниште за внатрешно раселени лица.

Убиени се уште осум лица кои живееја во блиските станови, соопшти болницата каде што беа однесени телата, додавајќи дека е погоден и шатор во градот Муваси, при што загинаа шест лица.

Повеќе од 20 тела беа донесени во болницата, соопштија здравствени службеници.

Нападот од синоќа доаѓа откако американскиот претседател Доналд Трамп изјави дека следната недела може да се постигне договор за прекин на огнот.