Во Љубљана за денеска се најавени големи антивладини протести, откако повеќе организации и движења, вклучително и синдикати и опозициски партии, го потврдија своето учество.
Минатиот петок, митингот беше првиот што го објави движењето кое стои зад „велосипедските“ протести, кога на владата и беше даден ултиматум да поднесе оставка или да се соочи со масовен „бунт“ се додека не бидат распишани предвремени избори.
Пет големи синдикати се меѓу оние кои потврдија дека ќе учествуваат во протестот поради нарушувањето на социјалниот дијалог од страна на владата, јави СТА.
Присуство најавија и студенти, пензионери, луѓе од академски и културни кругови, музичари, уметници, еколошки невладини организации и маргинализирани групи.
Опозициските партии исто така, планираат да се приклучат откако нивното барање за отповикување на премиерот Јанез Јанша беше одбиено во Парламентот оваа недела.