Жителите на Москва ќе треба да го остават својот телефонски број, како и осигурителниот број при вакцинирање против коронавирусот, по втората доза, за да можат да добиваат QR-код преку порака за посета на кафулиња и ресторани, соопштија градските власти.
„На московјаните им се препорачува да го остават својот телефонски број и осигурителниот број при вакцинирање против КОВИД-19. Оние кои го оставија својот телефонски број, по аплицирањето на втората доза, во случај на двокомпонентна вакцина или по завршувањето на еднокомпонентна вакцина, на пример, од Спутник лајт, ќе добијат QR-код преку СМС-порака“, се вели во соопштението.
Од Град Москва советуваат да се проверат податоците при евентуални грешки, а исто така по СМС во Москва започна да се испраќа и негативен резултат на тест за PCR.
Од 28 јуни, кафулињата и рестораните во Москва ќе можат да се посетуваат само со QR-код. Кодот може да го добијат луѓе кои биле вакцинирани, добиле негативен тест за PCR или прележале коронавирус пред помалку од шест месеци. До 12 јули, посетата на кафулињата со летни тераси е без ограничувања.