Повеќе од 200 тела се пронајдени во подрум во Мариупол, изјави пред малку украински претставник. Телата се откриени во урнатините на висока станбена зграда во украинскиот пристанишен град Мариупол, информира Петро Андриушченко советник на градоначалникот на Мариупол.

Тој рече дека работниците ги пронашле телата додека копале низ подрумот под урнатата зграда. Веста ја соопшти на Телеграм.

„При демонтирање на блокадите на висококатница во близина на приградската бензинска пумпа, пронајдени се околу 200 мртви тела во подрумот, со висок степен на распаѓање“, објави тој.

Поради одбивањето на локалното население да ги собере и пакува телата на загинатите, руското Министерство за вонредни состојби го напуштило работното место.

Антон Герашченк, советник во Министерството за внатрешни работи на Украина, рече дека руските сили се обиделе да ги принудат локалните жители да ги извадат телата. Кога тие одбија, гробното место едноставно беше напуштено, рече тој.

Британски Гардијан објавувајќи ја оваа вест наведе дека се уште не е во можност да ја потврди од независни извори.