Во Северна Кореја се одржува најважниот политички состанок каде што Ким Јонг-ун треба да го зацементира својот статус како лидер.
Иако јавноста со внимание го следи првиот голем конгрес, речиси никој не очекува да се менуваат државните политики или да има значајни промени во високото раководство.
Според очекувањата, Ким Јонг-ун треба да ги зацврсти ставовите за својата нуклеарна политика, во пресрет на најавеното ново нуклеарно тестирање.
Интересно е што странските медиуми се поканети но само надвор од салата каде што се одржува конгресот.
Улиците до салата каде што ќе се обрати Ким Јонг-ун се накитени со знамињата на партијата и со банери на кои се вели „Драги другари Ким Ил-сунг и Ким Јонг-ил, секогаш ќе бидете со нас“.
Ова е седмиот состанот на Работничката партија на Северна Кореја од 1980 година наваму.