Претходно денеска, пронајден е и запален автомобил помеѓу двете села Доња Трнава и Тешица, за кој се претпоставува дека му припаѓал на семејството Џокиќ.
Српските полицајци пронашле три безживотни тела во атарот на селото Моравaц кај Алексинац, a сомнежите се дека станува збор за тричленото семејство Џокиќ чија трага се изгуби во неделата, соопшти Министерството за внатрешни работи на Република Србија, пренесува РТС.
По наредба на виш јавен обвинител од Ниш, телата се предадени на обдукција.
РТС јави дека местото каде се пронајдени телата е под полициско обезбедување и не им е дозволен пристап на новинарските екипи. Во Алексинац отпатувал и министерот за внатрешни работи, Александар Вулин, но не давал изјави.
Телата се најдени околу 16 часот. Српската полиција ќе продолжи со истрагата за расчистување на случајот.
Родителите Горан (57) и Гордана (56) и нивната ќерка Лидија (25) последен пат биле видени во неделата попладне во Алексинац како се возат во нивниот автомобил „пасат“. Во понеделникот полицијата започнала потрага по нив.
Претходно денеска, пронајден е и запален автомобил помеѓу двете села Доња Трнава и Тешица, за кој се претпоставува дека му припаѓал на семејството Џокиќ.