Во Тирана продолжуваат протестите на албанската опозиција. Тие бараат формирање на техничка влада, како и предвремени избори.
Опозицијата протестира веќе трети ден против Владата на Еди Рама. Претседателот на Демократската партија Лулзим Баша соопшти дека по протестите, опозицијата го бојкотира и Собранието.
Пратеникот на Социјалистичката партија која е на власт, Таулант Бала, изјави дека целта на опозицијата е да се избегне проверката на работењето на правосудните органи.
„Дел од парламентарната група на ДП не се согласни да бидат дел од нормалното функционирање на парламентот ова недела, кога се очекува да се формира посебна комисија во рамки на функционирањето и целосно спроведување на „Ветинг“ процесот. Да протестираш против реформите во правосудството, тоа не е за доброто на Албанија“. – изјави Бала.