Советот за безбедност на ОН денеска на вонредна седница ќе ја разгледа актуелната состојба во Сирија и прашањето за доставување хуманитарна помош во таа земја.
За време на седницата, генералниот секретар на ОН задолжен за хуманитарни прашања Марк Лоукок ќе поднесе извештај за неговата посета на Сирија.
Вонредната седница на Советот за безбедност на ОН е свикана по барање на Франција, а шефот на француската дипломатија Жан Ив Ле Дриен претходно најави дека ќе ја покрене таа иницијатива.
Тој по состанокот со министрите за надворешни работи на земјите од западен Медитеран во Алжир рече дека е загрижен поради актуелните случувања во Сирија. Потсети дека за состојбата во сириските области Гута, Идлиб и Африн разговарал и со турскиот колега Мевлут Чавушоглу.
– На подрачјето на цела Сирија треба да се воспостави примирје и да се овозможи непречена и безусловна достава на хуманитарна помош. Советот за безбедност ќе расправа за Сирија. Франција особено ќе укаже на итноста да се овозможи испорака на хуманитарна помош, напиша Ле Дриен на Твитер.