Published: Tuesday, July 13, 2021 16:11
Прогласена е вонредна состојба во Дечани, Косово, поради труењето на стотици жители во ова место. Сомневањата за причините за труењето се во пунктот на водоводот „Хидро-дрини“. Проблемот најпрво се појавил во неколку околни села, а од саботата до денеска во Центарот за семејна медицина во Дечани помош побарале околу илјада пациенти, а стотици од нив се со слични симптоми на труење, пренесуваат медиумите на Косово.
Националниот институт за јавно здравје вчера објави дека од шест тестирани примероци на вода, во два откриле бактерии. Обвинителството во Пеќ почна истрага за причините за труењето, а од Министерството за здравство ги повикаа сите граѓани на Дечани да не пијат вода од градскиот водовод додека не се открие причината. Градоначалникот, Башким Рамосај, рече дека постојат сомневања за намерно контаминирање, но тоа треба да го истражат соодветните институции.