Врховниот суд постапува во согласност со Уставот, законите, меѓународните ратификувани договори, како и праксата на Европскиот суд за човекови права во Стразбур – пишува во одговорот што го испрати откако Антикорупциската комисија вчера предупреди дека оние судии за кои се водат постапки не можат да одлучуваат за намалување на казната.
„Судиите на Врховниот суд на Република Северна Македонија согласно Уставот се самостојни и независни во своето одлучување и при вршење на задачите од својата надлежност пред се оценуваат дали има законски пречки да постапуваат во конкретен предмет. Притоа, судиите се раководат од законски предвидените основи за изземање, вклучително и субјективниот тест, односно дали судијата смета дека постојат околности кои предизвикуваат сомневање во неговата непристрасност.
Во досегашната пракса судиите кои постапуваат по конкретни предмети, секогаш се изземале во постапки во кои постоеле причини за изземање, вклучително и во постапки по предмети за кои се одлучувало на Општа седница, при што не подлегнуваат на било какви надворешни притисоци“ соопштуваат од Врховниот суд.
За една година дури во 150 случаи, судиите од Врховниот суд се изземале од одлучувањето. Иако судот не објасува за какви случаи на судир на интерси станувало збор, големиот бројот на предемети во кои одредени судии мораче да се изземат, сам по себе е сиптоматичен.
Од Антикорупциската комисија вчера ги потсетија судиите од Врховниот суд дека не можат да одлучуваат по Иницијативата за носење на начелен став, за тоа кој Закон за судовите, ќе се применува од страна на Судскиот совет за веќе започнатите постапки за престанок, разрешување и основи за одговорност на судија, ако за нив веќе се започнат постапки за разрешување, туку треба да се изземат.
Од ДКСК наведуваат дека доколку судиите од Врховниот суд на РСМ против кои се отворени постапки во Судскиот совет за разрешување од функциите, ќе го прикријат постоењето на приватниот интерес и не постапат согласно Законот за спречување на корупцијата и судирот на интереси, е основа за покренување постапка за утврдување на одговорност и изрекување на мерки согласно со овој закон.