Вртоглави над 1 милијарда евра потрошија годинава англиските фудбалски тимови за трансфери на играчи, со цел да ги зацврстат своите тимови и да ја освојат шампионската титула во фудбал на Островот.
Овој летен трансфер-период кој започна на 1 јули а заврши со регистрација на играчи во нови клубови минатата ноќ во 00.00 часот, влезе во историјата како најскапиот за англискиот фудбалски пазар во кој беа потрошени над 1.4 милијарда евра за откупување на првата на сопственост на играчите.
Од нив најмногу се издвојува трансферот на францускиот фудбалер, 23-годишниот Пол Погба од италијанскиот клуб Јувентус во англискиот Манчестер Јунајтед, кој е во вредност од 105 милиони евра.
Овој трансфер е особено интересен ако се знае дека Погба беше играч на Јунајтед до 2012 кога бараше шанса од тогашниот тренер Сер Алекс Фергусон да игра од Академијата за младинци на клубот во првиот тим но не ја доби, по што за 600.000 евра замина во Јувентус.
Од клубовите во Англија, сепак градскиот ривал Манчестер Сити е најголемиот потрошувач годинава, со потрошени 200 милиони евра на засилувања, по што следуваат Јунајтед со 170 милиони и Челзи со 149 милиони.
Вртоглави суми трошеа и помалите клубови а неколку од нив го скршија сопствениот рекорд меѓу кои се и минатогодишниот шампион Лестер, Ватфорд и Кристал Палас.
Англиската Премиер лига како за играчите, така е најпопуларна и за светските имиња на тренерските позиции, така што годинава фановите на англискиот фудбал ќе можат да ги следат меѓусебните дуели и на врвните стручњаци Јурген Клоп (Ливерпул), Жозе Мурињо (Манчестер Јунајтед), Пеп Гвардиола (Манчестер Сити), Антонио Конте (Челзи), Арсен Венгер (Арсенал), Славен Билиќ (Вест Хем), Валтер Маѕари (Ватфорд), Маурисио Покетино (Тотенхем) и на минатогодишниот најдобар менаџер во лигата Клаудио Раниери (Лестер).