Собраниската комисија за финасирање и буџет ја заврши денешната расправа по Предлог-измените и доплнувањата на Буџетот за 2018 година во второ читање. Расправата ќе продолжи утре во 11 часот.
Oпозицијата смета дека ребалансот на буџетот за 2018 е нераелен и дека со него нема да се постигнат предвидените стапки на економски раст. Во денешната расправа во собраниската Комисија за финансирање и буџет, каде се расправа за предлог за дополнување на ребалансот на буџетот за 2018 година во второ читање, истакнаа дека со ребалансот власта значително ќе ги намали средствата во здравството и образованието.
За пратениците од владеачкото мнозинство, пак, ребалансот е со цел корекција на расходната страна поради обезбедување финансиска поддршка на општините и зајакнување надржавните институции.
Министерот за финансии вчера образложи дека ребалансот се базира на проекција за раст на реалниот БДП од 2,8 проценти во 2018 година, а буџетскиот дефицит е непроменет и изнесува 2,7 проценти од БДП. Со ребалансот, како што кажа, се очекува да се подобри фискалната позиција на општините, за што се предвидуваат три милијарди денари.
Согласно Деловникот, расправата во Комисијата за финасирање и буџет, што започна вчера, може да трае најмногу три дена и треба да заврши утре.
Продолжението утре е закажано за 11 часот.