Партиските каравани втор ден денеска од стартот на официјалната изборна кампања, меѓу граѓаните со понуда на своите програми и проекти како и со персоналните предлози за кандидати за градоначалници и советнички листи. Пренесуваме најавени активности од партиите.
Централниот изборен настан на коалицијата предводена од СДСМ „Најдоброто за мојата општина“ денеска е во главниот град каде ќе се одржи предизборната конвенција на кандидатот за градоначалник на македонската метропола, Петре Шилегов.
Претходно претседателот на СДСМ, Зоран Заев ќе ги посети Чаир и Кисела Вода а заменик претседателката Сања Лукаревска ќе го предводи караванот во општина Петровец.
ВМРО-ДПМНЕ и коалицијата што ја предводат, денеска својата програма и кандидати ќе ги претстават во општините во Охридско-преспанскиот регион. Централниот настан е во Ресен , а претходно ќе бидат во Вевчани, Дебарца и Струга.
Дуи своите изборни активности, вечерва ќе ги реализираат со централен настан во Тетово. Претходно партиските челници предводени под лидерот Али Ахмети ќе се искачат на Шар Планина, која е прогласена за национален парк.