Published: Saturday, October 15, 2016 11:18
Српскиот премиер Александар Вучиќ вчера на ТВ Прва најави голема акција против криминалците кои, според Вучиќ, имаат „соработници во државниот апарат“.
„Сите кои мислат да убиваат по Србија ќе ја почувствуваат жестоката тупаница на државата и монструмите кои убиваа по нашата земја тоа добро ќе го запаметат“, рече Вучиќ.
“Сите ќе ги исчистиме, без разлика колку тешко тоа ќе биде. Тоа се опасни луѓе, кои имаат врски и со странски разузнавачки агенции. Ќе биде – или ние или тие, но ви велам дека државата ќе победи и затоа добро нека размислат што ќе прават, па да видиме кој од полицајците и специјалците ќе седи по нивните јахти и вили и ќе прави бизнис“, рече Вучиќ.
Тој го спомена убиството на Александар Станковиќ, водач на навивачите на фудбалскиот клуб Партизан. Според Вучич станува збор за убиство направено од лица „донесени лица за да беснеат по Белград“.