„Ние сме најголемите пријатели на Северна Македонија, ништо не бараме од нив, само да бидеме пријатели и браќа“, изјави српскиот претседател Александар Вучиќ, коментирајќи ги резултатите од истражувањата на Преспа институтот дека граѓаните на Северна Македонија ја сметаат Србија за свој најдобар пријател.
„Да, го видов тоа и за политичарите и за земјите. Србија, се разбира, им е најдобар пријател“.
На прашањето дали е изненаден од одговорот на Македонците, претседателот Вучиќ одговори: „Како да бидам изненаден? Ние сме најголемите пријатели на Северна Македонија. Кој е поблизок до Србија? Ние сме единствените кои не бараме од нив да ги сменат своите име или јазик, ни своите барања, ниту ништо друго. Ние го сакаме македонскиот народ. Што бараме од него? Ништо. Освен да бидеме во најдобри можни односи. Не бараме ништо од нив. Само да бидеме пријатели и браќа“, рече Вучиќ.
Српскиот претседател посочи дека иницијативата Отворен Балкан опстојува благодарение на Тирана, Белград и Скопје и дека САД имаат коректен однос кон оваа иницијатива, што, како што истакна, не може да се каже за Европејците.
Вучиќ објави и дека планот е Србија да организира еден голем саем на вино на кој ќе бидат поканети сите. (Р.Н.)