Српскиот претседател Александар Вучиќ пред граѓаните собрани на сенародниот собир во Ниш вечерва порача дека повеќе не го интересираат никакви барања на оние кои шест месеци ја блокираат Србија, а кои велат дека е некомпетентен, и истакна дека од денес ги слуша само луѓето кои не се арогантни и кои ја сакаат иднината.
На 21 март, некои се обидоа да го укинат правото на слобода на говор и мислење, се обидоа да ја укинат демократијата, да воведат терор во нашата земја засекогаш. Не им беше многу грижа. Тие се изживуваа, мислејќи дека најдоброто и најубавото нешто е да ги тероризираат другите луѓе , рече Вучиќ.
Според него, тие не разбрале дека нивната обоена револуција конечно заврши таа вечер.
Не направивме многу работи на време или не ги направивме добро, но не заборавајте го влијанието на странските фактори, колку пари беа вложени во уништувањето на Србија. Сега ќе ви објаснам за да разберете зошто мораа да ја уништат Србија. Кога пред неколку години видоа дека Србија се справува најдобро за време на Ковид, дека расте најбрзо и за време и по Ковид, и кога на сите нив во Европа и во светот им стана јасно дека оди во тој правец, особено на некои во регионот, зошто тоа би им одговарало? Рамнотежата што сите ја научиле се менува. Операцијата за уништување на Србија е подготвувана долго време, инвестициите се прават долго време, не во нашите училишта и универзитети, туку против нив, во рамките на нашиот систем. И против нашиот судски систем, обвинителството, долго време и многу пари беа инвестирани во медиумите во Србија, кои станаа вистинска платформа на странско влијание за соборување на Србија, огромни пари, милијарди евра беа инвестирани во соборувањето на Србија – истакна претседателот на Србија.