Претседателот на Србија, Александар Вучиќ, по 12 часовната средба со косовскиот премиер Албин Курти, во изјава за медиумите рече дека е задоволен од дијалогот. Тој изјави дека не потпишале договор, но процесот како што посочи не завршува денеска.
Вучиќ сепак е задоволен од дијалогот и рече: „Имам трошка на задоволство, а имавме пристоен разговор и покрај бројните несогласувања“.
„Денеска требаше да го договориме имплементацискиот план. Договор постигнавме, н ова нема да биде се. Една од клучните точки е дека Европскиот совет на патот на сериозниот процес кој тукушто започна, ќе проценува колку кој сработел од имплементацискиот план. Во тој план ние примивме на знаење дека тоа независно ќе се цени за секоја страна“, рече српскиот претседател.
„Овие неколку точки кои ги договоривме, тие ќе бидат дел од преговарачкиот рамка за двете страни, како за Белград така и за Приштина. Процесот не завршува денеска, туку денеска почнува. ЕУ ќе процени кој колку направил од имплементацискиот план, кој мора да биде проширен, иако мене нема да ми пречи да остане ваков. За нас е од големо значење тоа што приоритетна обврска е ставено формирање на Заедницата на српски општини и тоа во склад на претходно постигнатите договори во рамка на дијалогот. Морам да кажам дека сум за тоа задоволен“, кажа Вучиќ.
Тој се осврна и на тоа што ќе каже Курти, и додаде: „Уште се говори за исчезнатите лица од Косово, а освен тоа, тој план ќе се надоградува. Албанската страна знам дека и вечерва ќе инсистира и зборува за тоа дека не сум потпишал ништо. Јас сум ставил до знаење, што се нашите црвени линии. Мислам дека ако ништо друго, направивме помрднување на работите во конструктивна атмосфера и ќе почнеме нешто работиме. Не е ден ‘Д’, но беше добар ден“.
„Сепак, ако е можно така да се каже, имам трошка задоволство и наспроти несогласувањата, имавме пристоен и коректен разговор“, заклучи српскиот претседател Александар Вучиќ.
„ЕУ ќе цени дали Приштина формирала Заедница на српски општини и ќе рече, нема напредок, а нас ќе не цени по други прашања и ако не спроведуваме, ќе рече, нема напредок за Србија“, изјави тој.
„Јас утре секоја од точките ќе ја претставам во Србија, а од понеделник ќе разговарам со пратеничките групи за да постигнеме договор дали планот ќе оди преку парламентот, рече Вучиќ.
„Се надевам дека Приштина ќе оди веднаш кон формирање на Заедницата на српски општини, а нашиот напредок кон ЕУ ќе биде ценет и според тоа што сме постигнале во однос на имплементацијата на планот“, изјави тој и додаде дека нема да се меша во тоа какви оценки ќе даде шефот на европската дипломатија Борел.