Образложувајќи го предлогот за импичмент на претседателот на Република Македонија, Ѓорге Иванов, поднесен од пратениците на СДСМ, а поддржан од пратеничката група на ДУИ и независните пратеници, Рената Дескоска порача дека никој не смее да биде над Уставот и законите, и обврска на пратениците е да ја вратат загубената доверба на граѓаните во Законодавниот дом.
-Иванов треба да сноси одговорност за злоупотребите во својата функција. Амнестијата е во надлежност на Собранието а не кај Претседателот. Со тој упад во работата на Собранието тој го прекрши Уставот. Аболицијата ја направи надвор од законските норми, со укинат член уште во 2009 година, рече меѓу другото Дескоска.
Како што вели таа, пратениците потписници на предлогот за импичмент на Иванов, сметаат дека тој со своето молчење и непојавувањето во Собранието всушност и ја признал вината, а со повлекувањето на аболицијата признал и дека згрешил.
Сепак претседателот на Комисијата која требаше да ја оценува основаноста за покренување на постапката, Зоран Илиевски, соошти дека Комисијта заклучила дека предлогот не е основан.
Комисијата е инаку составена од 11 членови, во која мнозинство се пратениците од владејачката партија.
– Претседателот во вршењето на своите права, не ги прекршил Уставот и законите. Ние мислиме дека Усавот не е прекршен, оти тој утврдува право на Претседателот да дава помилување, рече меѓу другото Илиевски од собраниската говорница.
Според него, политичката одговорност се ценела на избори а не пред пратениците.
– Сметаме како Комисиј дека политичка мотивираност има кај предлагачите, бидејќи со оваа постапка вршат директен напад врз инститицуијата Претседател, потенцираше тој.
Дискусијата може да се следи во живо (со пребарувач Интернет Експлорер), на која пратениците од власта и понатаму ја бранат одлуката на Иванов, додека опозициските пратеници бараат негово појавување во Собранието.