Во 1903 година реномираниот весник Њујорк Тајмс на своите страници објавува за статија за смртта на херојот Гоце Делчев, опишувајќи го како македонски шеф и бугарски револуционер.
Весникот информира дека смртта на бугарскиот револуционер Делчев се смета за тешка загуба за востаничкото движење. Тој бил водач на познатата организација.
Во друг текст се наведува дека Делчев бил придружуван од четата и војводата Кирчовски, заедно со поетот Таворов кога влегле во селото Баница во близина на Серез.
Голема вojcка го опколила селото и сите припадници на револуционерната чета биле yбиeни по долг отпор, а приведени биле голем број на свештеници и учители.
Делчев имаше 32 години. Тој беше учител, и основач на македонската организација којашто има разграноци низ целата држава.
Вчера бугарскиот премиер Бојко Борисов кој беше во посета на земјава, порача заедничката македонско бугарската комисија за историски и образовни прашања да најде компрмис за Гоце Делчев до октомври кога треба да се донесе одлуката за почеток на преговорите со ЕУ .
Борисов: Ќе ни се смее цела ЕУ ако стигнеме дотаму Бугарија да ја блокира Македонија
Петар Тодоров, кој е член од македонската страна во Комисијата потврди дека натаму нема решение за една од најзначајните личности од историјата.
„Од наша страна, неколку пати укажуваме дека решението за Гоце Делчев треба да биде во насока на тоа зошто оваа историска личност е значајна и за македонското и за бугарското општество и тоа да биде основа за заедничко чествување. Бидејќи, ако тој бил Бугарин, не гледам причина зошто ние, македонските граѓани би имале основа да го чествуваме“,изјави Тодоров за медиумите.