Моралната одговорност за трагедијата во Тетово е испорачана од страна на директорот на болницата, економскиот директор, како и заменикот министер и министерот, кажа премиерот Зоран Заев, одговарајќи на новинарски прашања, за време на чествувањето на 75-годишнината од основањето на Сојузот на здруженија на пензионери на Македонија. Тој повтори дека најпрвин ќе почека истрагата да се заврши, заедно со резултатите од вештачењето, по што ќе одлучи за поднесените оставки. На прашањето дали не постои социјалдемократ да го замени на премиерската функција, откако претходно изјави дека нема да даде оставка за Христијан Мицкоски да дојде на власт, Заев одговори дека никој не е незаменлив.
-СДСМ е демократска партија со квалитетни кадри кои можат Заев да го заменат и веќе банално е ова прашање сиве овие денови, истакна Заев.
Тој повтори дека е побарана помош од сите независни институции, а и покрај тоа што претходно барал корекција во работата на правосудните органи Заев рече дека истрагата треба да се остави во рацете на обвинителите.
-И денеска Заев нема целосна доверба во правосудството, но Јавното обвинителство ги води истрагите, ангажирани се професионални експерти, а секако прифативме и помош понудена од германските форензичари и истражители кои беа тука и ја завршија нивната истрага и ги очекуваме извештаите за нивната работа тука, додаде премиерот.