Премиерот Зоран Заев, заедно со Дејвид Харис, извршен директор на Американскиот еврејски комитет, одржаа средба во рамки на работната посета на Атина.
Главниот акцент на разговорите, се вели во соопштението од владината прес-служба, бил ставен на најактуелното прашање за ЕУ-перспективата на нашата земја. Премиерот Заев истакнал дека еврејската заедница во земјава иако е мала, таа е многу активна и придонесува во градење на демократското општество со свои претставници во националните институции.
Извршниот директор на Американскиот еврејски комитет, Харис, се вели во соопштението, рече дека премиерот Заев и Северна Македонија имаат голема поддршка за евроинтеграциските процеси на земјата. Како што беше кажано на состанокот Северна Македонија е членка на НАТО и сите очекувања се да започнат интегративните процеси како што беше ветено.
На средбата, исто така, се дискутирало и за енергетските проекти и договорите кои се потпишуваат со Грција после Договорот од Преспа, а имаат цел економско поврзување и напредок на Северна Македонија.