Тој кажа дека загубата е огромна, но и дека не мисли дека целата Влада треба да си поднесе оставка.
Посочи дека ќе ги почека резултатите од експертските анализи и вештачења во врска со причините за пожарот на модуларната болница во Тетово пред да донесе одлука дали ќе ги прифати оставките од првите луѓе во Министерството за здравство и менаџментот на тетовската болница.
– За мене е важно да има брз резултат од истрагата, врз основа на добиените севкупни информации од извешфајот од истрагата ќе одлучам по основ на поднесените оставки од страна на министерот за здравство, заменик министерот, директорот и економскиот директор на болницата. Тоа ќе бидат клучно за мојата одлука за да се прифати оставката, истакна Заев.
Премиерот Зоран Заев рече дека немал никакви информации во врска со надзорот на изградбата на модуларната болница што изгоре во Тетово. Како што рече тој во одговор на новинарско прашање, проектот е предводен од Светската банка и оти сè се реализирало според договорот.
– Институциите ќе обезбедат детални информации. Станува збор за модуларни објекти. Проект на Светска банка спроведен преку Министерството за труд и социјална политика преку кредитната линија за потребите на социјалните предмети во земјата и во одговорноста за здравствениот систем, рече Заев.
Во трагедијата што се случи ноќта на 8 септември животот го загубија 14 лица, а 12 беа повредени