СДСМ и Коалицијата денеска своите изборни активности на карванот „Најдоброто за мојата општина“ ги продолжи меѓу граѓаните на Крива Паланка, Кратово, Ранковце, како и во скопската општина Аеродром, каде ги промовираше кандидатите за градоначалници. Главниот митинг се одржа во Крива Паланка.
Секој ден врне, нека врне, есента со дожд ја личи и во недела ќе врнат гласови, ама за бројот 12 бидејќи сме на пет дена до локалните избори, а вие знаете дека до пред само четири години имавте паша, а градот беше негов пашалак, затоа му покажавте црвен картон, па со Борјанчо Мицевски постигнавме напредок, што со посветенот и многу љубов и служеше на Крива Паланка, а сега Сашко Мицевски ќе го искачи градот на ново скалило, рече претседателот на СДСМ и премиер Зоран Заев на трибината во Крива Паланка.
– Доаѓа времето кога Крива Планка ќе им држи лекции на останатите општини во Северна Македонија. Денеска ја потврдувам најголемата германска гринфилд инвестиција во Северна Македонија, 415 мегаватна електрана во вредност од околу 520 милиони евра од делот кај Куманово до Крива Паланка, „Вирови“ ќе биде најголемиот ветрен парк, 69 ветерници од по шест мегавати, тие ќе создаваат над 400 мегавати струја што е приближно колку што произведува еден од двата блока во РЕК Битола, а тоа значи дека младите ќе останата да работат, а и општинскиот буџет на Крива Паланка ќе добие повеќе пари, ова е зелена агенда систем кон обновливи извори на енергија, за поголемо производство на струја, најави Заев.
Кандидатот за градоначалник на Крива Паланка Сашко Митовски вети дека во наредните четири години ќе продолжи со градење улици, канализации, детски паркови, училишта, градинки, спортски терени, за, како што рече, Крива Паланка да биде место во кое живеат и работат среќни луѓе. Митовски ветува и регулирање и решавање на метежот во централното подрачја со изградба на нови паркинг места и катна гаража. Тој најави и изградба на модерен туристичко рекреативен центар „Калин Камен“, регулација на Дурачка река со изградба на пристапен пат, гасификација на општината, модернизација и реорганизација на ЈП Коминалец.
– Mojaта визија за општината е атрактивна туристичка дестинација, со искористени природни ресурси, урбана, чиста и зелена општина, економски развиена со плански уредена инфраструктура, со добро организирани локални институции, стручна и ефикасна администрација, која ќе обезбеди навремена испорака на услуги кон граѓаните, рече Митовски.
Носителката на советничката листа за претстојните локални избори за општина Крива Паланка на СДСМ и Коалицијата Изабела Павловска кажа дека изминатие години во Крива Паланка се вложува во патна, канализациона, водоводна инфраструктура, се градат и патишта.
– Резултатите се евидентни и видливи, но тоа не ни дава за право да застанеме тука, напротив тоа е причина и мотив да продолжиме и да ги завршиме веќе започнатите проекти, неуморно да работиме на уште поголеми вложувања кои ќе го подобрат животот на секој еден од нас, кажа Павловска.
Секретарот за меѓународна соработка на СДСМ Бојан Маричиќ од Аеродром порача дека нудат проекти за чист воздух и хумани услови за живот. Тој побара од аеродромви поддршка за кандидатите за градоначалници на Аеродром и Град Скопје, Александар Филиповски и Петре Шилегов, како и за носителите на советничките листи.
– Ви ветувам дека нашите градоначалници и нашите советници ќе работат за вас. Тие ќе бидат тука вам да ви служат. Ние имаме коалиција со вас, со граѓаните и се обврзуваме дека нашите градоначалници деноноќно ќе работат за решање на вашите проблеми. Затоа драги пријатели, во недела сите заедно, сите обединети, сите со јасна цел и визија гласаме за најдоброто. Гласаме за број 12! Гласаме за Цанде, идниот градоначалник на Аеродром, гласаме за нашите советници, гласаме за СДСМ и коалицијата, гласаме за модерен и европски Аеродром!, повика Маричиќ.
А, кандидатот за градоначалник на Аеродром, Филиповски пред граѓаните вети дека во Ново Лисиче ќе се направи нова објект на градинка, ќе се работи на подигнување на нови зелени површини…
– Сервисните улици, пешачките зони и плочници повторно ќе се мијат со цистерни, со што ќе добиеме почисти јавни површини. Аеродром ќе биде општина – дом за сите генерации. Затоа што планираме младински центар, но и активни центри за стареење за највозрасните. Затоа што подобрувањето на условите во основното образование значи и изградба на сензорни соби, со цел еднакви шанси и за учениците со попреченост. Затоа што ќе ги подобруваме сервисните улици, но и ќе правиме 20 километри нови вело – патеки, рече Филиповски.
Кандидатот за градоначалник за Град Скопје, Петре Шилегов, оствари средби со граѓаните на Општина Чаир. Тој рече дека во изминатите четири години, во овој дел од Скопје е вложено како никогаш до сега.
– Ако во минатото Чаир беше заборавено од градските власти, денес оваа општина се развива паралелно и забрзано со останатите скопски општини. Во Чаир, ја завршивме реконструкцијата на улиците Кемал Сејфула, Втора Македонска Бригада, Македонско-Косовска Бригада, Џон Кенеди и бул. Крсте Петков Мисирков, рече Шилегов.
Заменик-претседателката на СДСМ, Сања Лукаревска оствари средби со граѓаните на Ѓорче Петров. Таа рече дека нема поголема неправда за граѓаните, ако во центарот на Скопје да се инвестираат 700 милиони евра за барок и стиропор, а други општини да се остават без канализација, без вода, без асвалт, без градинки, со руинирани училишта, со неопремени здравствени установи.
