Заев по средбата со Ковачевски порача дека социјалдемократите имаат одговорност да преземат одлучни чекори

Поранешниот премиер Зоран Заев после средбата со Димитар Ковачевски на стратешкиот состанок во СДСМ, во објава на Фејсбук, истакна дека „Демократскиот блок здружува, тоа е единствената формула за нов македонски успех. Порача дека социјалдемократите имаат одговорност да преземат одлучни чекори.

„Мораме да осигураме просперитет за македонските граѓани и извесна иднина за нашата држава. Членството во ЕУ сега се чини најдостижно. На тој пат, ние социјалдемократите, имаме државничка одговорност да преземаме храбри и одлучни чекори. Демократскиот блок не исклучува, тој здружува. Тоа е единствената и проверена формула за нов македонски успех“, рече Заев.