Премиерот Зоран Заев на средбата со Христијан Мицковски на денешната средба му го достави договорот за решение за спорот којшто Република Грција го имаше со Република Македонија, соопшти владината прес служба.
Во соопштението се наведува дека Заев на кусата средба потенцираше дека како одговорни политичари, во дадениот момент имаме обврска да им овозможиме на граѓаните на Република Македонија да го остварат деморкатското право и да добијат шанса да го дадат своето мислење во однос на договорот. Овој договор ја гарантира иднината на Македонија како членка на НАТО и ЕУ, истакна премиерот Заев, јасно посочувајќи му на Мицковски дека и тие како опозиција треба да овозможат фер шанса последниот збор да го кажат граѓаните на референдум.
Заев исто така рекол дека референдумот е консензус меѓу ВМРО ДМПНЕ и СДСМ како најголеми политички субјекти во Македонија со години наназад и во тој контекст сите заедно треба да се заложат граѓаните сами да одлучат за својата иднина и никој нема право да ги спречува во тоа.
Премиерот Заев, стои во соопштението, ја упатил пораката дека политичките субјекти треба да се обединат околу идејата за реферндум и заради националните приоритети на Република Македонија за членство во НАТО и ЕУ.
Лидерот на ВМРО ДПМНЕ по излегувањето до Владата изјави дека имале куса средба со Заев „зашто темата е исцрпена“.
Тој најави дека Договорот ќе го разгледаат сите партиски тела во ВМРО ДПМНЕ – Извршниот комитет, Централниот, пратеничката група, а ќе се консултирал и со МПЦ,Исламската верска заедница и со МАНУ и додаде дека „не знае дали ќе го задржи истото име“.
Претседателот на ВМРО ДПМНЕ Мицкоски потврди дека пред средбата со премиерот Заев се сретнал со претседателот на државата Иванов.