Претседателот на ВМРО ДПМНЕ Христијан Мицкоски имаше куса средба со премиерот Заев. Средбата се одржа по барање на Мицкоски кој го побарал и го добил договорот со Грција за решавање на долгогодишниот спор за името.
„Имавме куса средба зашто темата е исцрпена и немам што да додадам од она што го кажав во текот на вчерашниот ден – освен да повторам дека овој договор е капиталиција“, рече Мицкоски пред Владата.
Тој најави дека Договорот ќе го разгледаат сите партиски тела во ВМРО ДПМНЕ – Извршниот комитет, Централниот, пратеничката група, а ќе се консултирал и со МПЦ,Исламската верска заедница и со МАНУ и додаде дека „не знае дали ќе го задржи истото име“.
Претседателот на ВМРО ДПМНЕ Мицкоски потврди дека пред средбата со премиерот Заев се сретнал со претседателот на државата Иванов.
„На Претседателот му ги повторивме позициите на ВМРО ДПМНЕ и тој ни најави дека ќе има свое обраќање“ рече Мицкоски.
Мицкоски не кажа колку време траеле средбата со Иванов, кој утринава одлучи да го напушти состанокот за премиерот Заев и шефот на дипломатијата Димитров.
Тој најави дека ќе својот став за Договорот со Грција ќе го соопшти во 17 часот.