Published: Monday, February 24, 2020 19:03
„Jа поевтинивме струјата за граѓаните, обезбедивме поевтина и стабилна цена на струјата, а денес ЕСМ има добивка и вложува во екологија. На другата страна е Мицкоски, кој беше најлошиот директор на ЕЛЕМ во историјата на ова претпријатие и увезуваше прескапа струја, заедно со ВМРО-ДПМНЕ, партија со најлоши резултати во енергетиката“, напиша Зоран Заев на неговиот Фејсбук профил.
Како репер го зема периодот 2006 – 2016 година во кој, како што стои во постот, ВМРО-ДПМНЕ, Груевски и Мицкоски ја покачија цената на струјата за 100 отсто за сите потрошувачи.
„Додека Мицкоски беше советник за енергетика на Груевски, имаше пад на домашното производство за 25 отсто, а увозот стигна до огромни 38 отсто. Парите на ЕЛЕМ, наместо во енергетиката, одеа за барок и споменици. Во време на ВМРО-ДПМНЕ средствата на ЕЛЕМ се вложуваа во рајски градини со кои извршителот Мицкоски ги исполнуваше желбите на неговиот шеф Груевски. Ги принудуваа исклучените граѓани од централно парно греење да плаќаат надомест, иако тие не ја користеа оваа услуга. Единаесет години целосно ја заборавија или намерно ја кочеа гасификацијата“, стои, меѓу другото, во објавата.
меѓународната енергетска заедница ги нарекува шампионски.
„Цената на струјата поевтини и се стабилизира, граѓаните добиваат пониски сметки. Ја вративме и евтината дневна тарифа за помали сметки во секое семејство. Го зголемивме домашното производство на струја. Денес ЕСМ (ЕЛЕМ) не купува прескапа електрична енергија. Напротив, денес продаваме вишок електрична енергија и за само две години, ЕСМ продаде енергија во вредност од 40 милиони евра. ЕСМ денеска има добивка од 80 милиони евра од кои 10 милиони годишно одат за екологија кај 10.000 граѓани за да добијат еколошки начин на загревање. Наместо да се ставаат стиропор фасади во лажен барок, денес се менуваат филтри во РЕК Битола. Интензивно работиме на гасификација на државата. Досега се инсталирани 101 километар цевки за гас во рамки на примарната мрежа на делниците Неготино – Битола и Скопје – Тетово – Гостивар. Степенот на реализација изнесува 74 отсто, а целосно се завршени сите административни процедури за интерконекторот за гас со Грција за што е добиен европски грант од 13 милиони евра. Исклучените од парно греење денес не плаќаат доколку не ја користат услугата, а во исто време го намаливме ДДВ за парно греење од 18 отсто на 5 отсто за да стимулираме враќање на граѓаните кон овој тип на еколошко греење“, посочува Заев преку Фејсбук.