Според последното истражување објавено во европскиот весник за применета физиологија се тврди дека времето поминато во шумските предели го зајакнува природниот имунитет кој е важен за спречување на ракот, како и на други хронични заболувања.
Секој од нас којшто бил во шума барем еднаш во животот сигурно уживал во нејзината убавина, мир и спокој. Затоа многу луѓе се одлучуваат да живеат подалеку од урбаната џунгла и градскиот метеж или барем викендите да „избегаат“ во некој шумски предел.
Група јапонски научници откриле дека традицијата која се нарекува „Shinri-ioku“ или во превод „Капење во шума“ е силен процес, а она што го поткрепува се причини од биохемиска природа.
Се смета дека колку повеќе време се поминува во шума, толку повеќе се подобрува и зајакнува имунитетот и се помали шансите за развивање на малигни заболувања.
Како е можно?
Кога научниците ги тестирале луѓето пред и по двочасовна прошетка низ шумата, кај сите испитаници ( со исклучок на еден) биле забележани 50% повеќе Т-зрнца, а сите имале понизок крвен притисок, чувствувале смиреност и бистрина во главите.
Дрвата и билките во шума емитуваат во околината ’’антимикробни испарливи органски соединенија на растителните деривати’’ кои се нарекуваат фитонциди кои ги “убиваат“ габите и бактериите.
Габите и бактериите предизвикуваат прилично многу пробеми на имунолошкиот систем, но и дрвјата не ги сакаат воопшто.
Стеблата на дрвата се честопати стари повеќе стотици години, а некои дури и илјадници години. Дрвјата и билките ја усовршуваат заштитата, односно единството кое може да ги убие габите и бактериите. Се смета дека додека се шета низ шума, здивот се соединува со овие компоненти, а ефектот е со траење од околу 2 месеци.
Истото истражување содржи прецизни информации околу ефектите кои ги има шетањето низ шума врз специфични хормони, поврзани и со развојот на дијабетес и дебелината.
Шетањето низ шумските предели носи бројни позитивни здравствени придобивки.