Расправата за Законот за употреба на јазиците во Комисијата за европски прашања, беше одбележан со говорите на координаторите на пратеничките групи од ВМРО ДПМНЕ, Антонио Милошоски и Илија Димовски.
Милошоски побара веднаш да се тргне европското знаменце од законот, бидејќи според него со тоа се забрзува „носење на закон кој е противуставен“.
-Европското знаменце е злоупотребено како „смоквин лист“ за да ја скрие неуставноста и немоќта на креаторите на законот да разговоараат со релевантните институции. Овој предлог закон треба да оди на јавна дебата, а надлежниот министер да каже според кој европски акт го усогасуваме нашето законодавство, па да стои ова знаменце?, праша Милошоски.
Тој дополни дека во ниту едее извештај од ЕУ двојазичноста не била критериум за членство на Македонија и дека опозицијта не е против да се дискутира за законот, туку е против неговото носење да биде злоупутребено.
Неговиот предлог беше одбиен од Комисијата.
Процедурално, по Милошоски говореше Илија Димовски кој на своите колеги им порача дека ова е „кршење на процедурата“, бидејќи за законот за употреба на јазиците прво треба да се произнесе матичната Комисија за полтички систем, на дебата на која што би биле поканети професори од областа на образованието, правото и другите сфери, со цел законот да ги задоволи интересите на сите етнички заедници.
Но и овој предлог на Димовски не беше усвоен од членовите на Коммисијата по што претсеателот на Комисијата Артан Груби даде половина час пауза.
Присутни на седницита се и дипломатски претставници.