Предлог законот за амнестија е готов и наскоро ќе биде поднесен во Собранието по скратена постапка. Текстот на законот бил усогласен на состанокот на работната група во рамки на Телото за помирување која се состана претпладнево во Парламентот.
Зекир Рамчиловиќ член на оваа работна група рече дека со законот нема да се бара амнестија за „организаторите и насилниците“.
„Оние кои биле организатори и кои учествувале во обид за убиство нема да бидат амнестирани“, рече Рамчиловиќ.
Рамчиловиќ очекува поголем дел од обвинетите за насилствата на 27 април да бидат опфатени со законот за амнестија. Но не прецизираше дали ќе се бара преквалификација на делото „терористичко загрозување на уставниот поредок“, но го спомена делото „здружување заради непријателска дејност“.