Аднан Јанузај во наредните пет години ќе настапува за Реал Сосиедад. Клубот од Сан Себастијан со задоволство го објави постигнатиот договор со белгискиот интернационалец кој своевремено важеше за голема надеж на Манчестер јунајтед.
Фудбалерот со косовски корени, кој е роден во Брисел, за првиот тим на „црвените ѓаволи“ дебитира во сезоната 2013/14 и во 27. настапи во Премиерлигата постигна четири гола. Но, неговата кариера тргна по надолна линија и се почести беше на клупа во тимот од „Олд Трафорд“ одошто во игра. Во желба за минутажа ја прифати опцијата да биде испратен на позајмица во Борусија Дортмунд (2015/16), а од таму и во Сандерленд (2016/17).
Вредноста на неговиот трансфер во баскискиот клуб е 9,8 милиони фунти. За репрезентацијата на Белгија одигра 22 натпревара пришто постигна и шест гола.