На денешното рочиште во Кривичниот суд треба да бидат изнесени завршни зборови за случајот „Поткуп“ во кој е обвинет премиерот Зоран Заев.
Со гледање на снимката објавена на Јутјуб на минатото рочиште заврши доказната постапка во овој случај.
Целосната снимка, пак, поради која Зоран Заев се товари за примање поткуп, беше пуштена на претходните рочишта во судницата без присуство на јавноста. Заев бараше снимката од ПИ-мерките да се пушти јавно, но Апелацискиот суд не го дозволи тоа.
Заев очекува ослободителна пресуда во овој судски процес, бидејќи како што изјави, се работи за монтиран случај со цел да биде спречен да ги објави „прислушуваните разговори“.
Во сведочењето, Иван Николов кој го обвинува Заев за барање поткуп, откри дека Николов бил испратен како провокатор за да го наведе Заев.
Премиерот Зоран Заев е обвинет дека како градоначалник на Струмица побарал поткуп од 160.000 евра од бизнисменот Иван Николов Сачевалиев.