Претседателот на Украина Володимир Зеленски објави дека силите на Безбедносната служба на Украина (СБУ) уништиле стратешки бомбардер „Ту-95“ кој бил вклучен во напади на украинска територија, пренесува Украинска правда.
Зеленски, исто така, извести за напади на украинските вооружени сили врз „објекти на руската нафтена индустрија и одредени цели на привремено окупираната територија на Украина“. Тој не даде детали.
Безбедносната служба појасни дека стратешкиот бомбардер „Ту-95“ бил погоден на воен аеродром во Енгелс.
Ова се однесува на нападите што се случиле ноќта и утрото на 16. јули. Во тоа време, локалните жители пријавиле пожар во близина на аеродромот каде што се наоѓаат бомбардерите „Ту-160“, кои се нуклеарни како Ту-95.
Според украинските служби, нападнатиот авион претрпел „критична штета“. Задниот дел од авионот бил „целосно откинат“.
Во меѓувреме, украинските сили за беспилотни системи објавија успешни напади во ноќта на 17. јули против 12 руски нелегални бродови во Црното и Азовското Море.
Се вели дека украинските дронови погодиле 9 бродови со сув товар, еден танкер за нафта, како и еден танкер за гас и еден реморкер. Вкупно во текот на 12-те дена од 6 до 17 јули, 159 различни руски бродови беа погодени од украински дронови како дел од операцијата „Молочка“. 117 од нив беа онеспособени во Азовското Море, а уште 42 во Црното Море.