Published: Saturday, February 18, 2017 13:40
Железничкиот сообраќај во Македонија од вчера е во прекин затоа што вработените во Македонски железници Транспорт бараат исплата на платата за јануари 2017 година.
Претседателот на Независниот синдикат на машиновозачи и железничари Латко Јовановски, изјави дека на македонските пруги целосно е во прекин движењето на патничките и на товарните возови.
„Вториот дел за декември е исплатен, бараме исплата на јануарската плата“, изјави денеска Јовановски, додавајќи дека за штрајкот имаат поддршка од останатите синдикати на железницата.
Македонски Железници Транспорт АД Скопје вчера информираше дека до крајот на месецот ќе ја исплати платата за јануари 2017 година.