Жените сочинуваат 56 отсто од 434 бомбаши самоубијци во нападите на вооружената група Боко Харам во Нигерија изведени во последните шест години.
Во извештајот на американскиот центар за борба против тероризам од април 2011 до јуни 2017 година изведени се 247 бомбашки напади.
Исто така се наведува дека меѓу напаѓачите се наоѓаат и 81 дете и тинејџери.
Статистиките покажуваат дека на мета на машките напаѓачи се места кои им припаѓаат на христијани, меѓу нив и цркви, додека цел на нападите на жените и децата се продавници, пазари и останати јавни места.
Оваа терористичка група исто така изведува напади и на државни институции и на силите за безбедност.
И покрај акциите против борците на Боко Харам кои се изведуваат во последните неколку години, присуството на организацијата и натаму претставува сериозен безбедносен проблем во Нигерија.
Оваа група делува од 2000 година, а нападите добија на интензитет откако почина нивниот лидер Мухамед Јусуф во 2009 година додека беше во притвор.