Татјана Калдерон (23) е новата женска надеж во Формула 1. Колумбијката се придружи на Заубер како развоен пилот, а паралелно со таквата улога во швајцарската екипа, ќе настапува и во Гран При 3 серијата.
„Ова е извонредна прилика и голем чекор за остварување на мојот сон да настапам во трка во Формула 1 шампионатот“, рече Калдерон. Последен колумбиски пилот во „летечкиот циркус“ беше Хуан Пало Монтоја кој од 2001 година до 2006 година возеше за тимовите на Вилијамс и на Мекларен, а пред 35 години и Пабло Гвереро.
Калдерон е во тркачките серии од 12 годишна возраст. Почна со картинг и возеше уште во Формула Рено, во британската Формула 3 и во „Florida Winter Series“, натпреварување во кое за ривали ги имаше денешните Ф1 пилоти Макс Ферстапен и Ленс Строл.
Само пет жени во Формула 1 од 1950 година, последна Ломбади пред 41 година
Историјата на Формула 1 познава дава само пет жени што учествувале во квалификации или во официјална трка наспроти, околу, 850 мажи. Последна беше Лела Ломбарди која пред 41 година настапи за Големата награда на Австрија. Италијанката имаше 17 настапи во квалификации и 12 трки. Таа е единствена засега со освоени бодови, поточно, бод. Го освои во Големата награда на Шпанија во 1975 година што беше прекината по 29 круга поради тешкиот инцидент во кој загинаа пет гледачи.
Во моментот на прекин Ломбарди беше шеста, но бодовите на крајот беа преполовени бидејќи не минаа две третини од трката. Учество во Формула 1, покрај неа, имаат и Италијанките Марија Тереза де Филипис и Џована Амати, Британката Дивајн Галика и Јужноафриканката Дизајр Вилсон. Амати, пак, беше последна што возеше во квалификации во 1992 година.
По неа имаше уште неколку девојки кои, воглавно, беа развојни или тест возачи. Тие никогаш не добија прилика во квалификации или во една трка. Сузи Волф, во јули во 2014 година, настапи за Вилијамс во тренинзи во Силверстон, а во 2015 година се повлече од Формула 1.