Жителите на девет американски сојузни држави од почетокот на 2018 година за секој комерцијален лет, било да е меѓународен или домашен ќе мора да покажуваат пасош.
Од 22 јануари следната година нивните документи за лична идентификација – лична карта и возачка дозвола, кои вообичаено се користат во САД и за патувања, веќе нема да важат за жителите на Кентаки, Мејн, Минесота, Мисури, Монтана, Оклахома, Пенсилванија, Јужна Каролина и Вашингтон.
Според законот за документи за лична идентификација од 2005 година, личните документи од овие држави не ги исполнуваат минималните федерални безбедносни стандарди, па поради тоа, за да ги поминат безбедносни контролни пунктови, ќе им бидат потребни други форма на идентификација: пасош, постојана жителска картичка / зелена карта или воена идентификација.
Лани во декември, беше објавено дека околу безбедносните контролни пунктови на аеродромите ќе почнат да се поставауваат знаци за да ги потсетат патниците за тоа што следува.
На само неколку месеци од стапување на сила на овој акт, некои држави почнаа да работат на издавање лични карти со федерално одобрение, за кои нема да биде потребен пасош за патување внатре во САД.