Жозе Мурињо доби отказ во Манчестер јунајтед. Ова е веста на денот во светот на спортот. Одлуката на раководството на „црвените ѓаволи“ за разделба со португалскиот менаџер доаѓа по неделниот пораз од Ливерпул (1:3) во 17. коло во Премиерлигата. Како причина се наведува низата лоши резултати на тимот од „Олд Трафорд“ иако британските медиуми претходно пренесоа дека „специјалниот“ е сигурен и мирен поради силниот договор го има (обештетување од 26 милиони евра).
„Клубот сака да се заблагодари на Жозе Мурињо за работата во Манчестер јунајтед и му посакува успех во иднина“, стои во веста на клупската интернет страница.
До крајот на сезоната ќе биде назначен в.д. тренер, а долгорочен наследник на Мурињо се најавува дури на лето. Португалскиот стручњак на „Олд Трафорд“ се задржа две и пол години и во тој период ја предводеше екипата до трофејот во Лига Европа, во англискиот Лига куп и во Комјунити шилд мечот.