Филмот „Не допирај ме“ на романската режисерка Адина Пинтилие ја освои најпрестижната награда „Златна мечка“ на филмскиот фестивал во Берлин.
Филмот за жената која не поднесува да ја допираат, е награден во конкуренција од 19 филмови.
Филмот во кој отворено се истражува физичката интимност и сексуалност; шокираше многу гледачи.
Пинтилие, исто така, ја доби наградата за најдобар дебитантски филм.
„Не го очекувавме ова, но наградата ни е многу важна“, рече Пинтилие.
Сребрената мечка ја освои „Лице”, трагикомедија од полската режисерка Малгоржата Шумовска, за човек кој се соочува со предрасуди по трансплантацијата на лице.
Наградата за најдобра режија ја освои Вес Андерсон за „Островот на кучињата“, со кој се отвори Берлинале.
Најдобар актер е Французинот Ентони Бајон за главната улога во „Молитвата“ на Седрик Кан, каде што игра млад зависник од хероин кој се свртува кон молитва и монашки начин на живот за да се бори против неговата зависност.