Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

„Златната книга на Лудви“ на Тина Иванова ги носи децата на магично патување кон музиката на Бетовен

0
By Zoran Ivanov on February 9, 2026 ВЕСТИ, КУЛТУРА
СПОДЕЛИ
Facebook Twitter LinkedIn Email
Published: Monday, February 9, 2026 13:19

Со театарска претстава и музичка изведба на најпознатите композиции на Бетовен, викендов, во книжарницата „Литература.мк“ во „Дајмонд мол“ се одржа промоција на  сликовницата „Златната книга на Лудви“ од Тина Иванова.

Kнигата, која е збогатена со илустрациите на Рената Јосифовска, е дел од новата едиција „Музичка кутија“ во издание на „Арс Ламина“.
На промоцијата се одржа и мини-претстава за деца, во која учествуваа авторката Тина Иванова и диригентката Дијана Имери-Илкоска, која беше задолжена и за интерпретација на музиката на Бетовен за пијано. Настанот, кој се одржа во рамките на фестивалот „Денови на литературата“, го проследија многубројни деца и нивните родители.

„Златната книга на Лудви“, која е инспирирана од животот и творештвото на Лудвиг ван Бетовен, е првата од петте книги за деца во серијалот „Музичка кутија“, во кој ќе бидат застапени и сликовници инспирирани од Моцарт, Бах, Верди и Чајковски. Овие книги не го обработуваат животот на композиторите, туку претставуваат нови бајки за деца, смислени од авторката Иванова.

Од сè што досега имам издадено, стручни книги, романи, раскази и монографии, објавувањето на овие сликовници ме прави најсреќна, бидејќи се наменети за најискрената и најубавата публика, децата.

Книгите се создадени со идеја да ја поттикнат желбата кај децата, но и кај возрасните, да се посветат на класичната музика. Приказните не се инспирирани од детството или животот на музичарите, туку се измислени, но имаат голема поврзаност со карактерите на композиторите и нивните композиции. На пример, Лудви е типичен Бетовен, а Вулфи е токму каков што бил Моцарт, но интерпретирани според моето доживување како музиколог и автор …  Поради тоа што за детството на Бетовен се знае многу малку, има простор денес да го замислуваме и претпоставуваме каков бил тој како дете – рече Иванова во промотивниот дел.

Иако во јавноста прво беа прикажани театарските претстави, всушност прво беа напишани книгите, од кои потоа се развиле сценските изведби.

Книгите ги напишав пред две години, летото кога првпат останав сама без моите деца, бидејќи тие пораснаа и секој тргна по свој пат. Ми недостигаше таа врска родител–дете, бев меланхолична што децата ми пораснаа и веќе не се дружиме како порано. Моето бегство од таа носталгија беше да напишам книги за деца. Идејата произлезе од тоа што додека беа мали, секоја вечер им измислував приказни за Лошко и Добре, два лика за кои долго време бараа да им раскажувам. Така се разви мојот однос со детската литература и така се роди желбата да пишувам за деца. Сега, кога ги напишав овие книги, сакам да продолжам да творам за најмладите, додаде таа.

Главниот лик во „Златната книга на Лудви“, малиот Лудви, е необично дете – кое сака книги и свири на пијано, но минува низ низа неочекувани случувања. Приказната е топла, разиграна и полна со емоции, вистинско доживување за деца и возрасни.
Лудви е нетипично дете за денешното време — затоа што за разлика од другите, тој чита книги, свири пијано, се интересира за природата и вселената и има голема библиотека со книги. Книгата е бајковита и полна со магични елементи. На пример, во неа постои златна книга која му помага на Лудви да стане видлив за другите — иако е повлечен и срамежлив и понекогаш е исмеан од другарчињата, преку златната книга неговиот талент и вистинскиот карактер се согледуваат од сите околу него. Преку Лудви ја откриваме главната порака на приказната: секој од нас има свој талент, само треба да го следи својот сон и да ги реализира своите идеи, рече Иванова, која по професија е музиколог.

Музиката е дел од нејзиното секојдневие, професионално и приватно. Вели дека сите книги ги има напишано слушајќи музика. Според неа музиката и книжевноста се основа за уште поинтензивна креација и се одлична ментална храна.
– Научно е докажано дека мозокот подобро работи кога читаме или кога слушаме музика, особено класична. Музиката е друг јазик — јазик на ноти — но и литература, бидејќи во неа се кријат многу длабоки книжевни остварувања и филозофски мисли. Таа е уште многу неистражено поле; кога зборуваме за класичната музика, тоа е како бунар без дно. Музиката ја поттикнува фантазијата, а кога фантазијата е разбудена, настапува креацијата, а со неа и среќата. Кога децата се среќни, среќни се и родителите. Тоа е еден круг на животот и креацијата, рече на крајот Иванова.

Извор: Слободен печат.мк

Литература лудви Промоција Тина Иванова
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.