Средношколец избодела до смрт професорка по шпански јазик во југозападниот француски град Сен-Жан-де-Луз.
Џером Буриер, локалниот обвинител, потврди за новинската агенција АФП дека инцидентот се случил за време на часовите.
Локалната полиција и обвинителот веднаш излегле на местото на злосторството, а ученикот бил уапсен.
Убиената учителка имала педесеттина години, а по пристигнувањето во училиштето, Брзата помош констатирала смрт како последица од здобиените рани.
„Моите мисли се со семејството, нејзините колеги наставници и ученици. Веднаш одам на местото на злосторството“, изјави Папе Ендаи, министер за образование на Франција.
Францускиот весник Sud Oest пишува дека напаѓачот влегол во училницата додека професорката по шпански предавала и ја нападнал.
Локалните медиуми објавија дека ученикот можеби имал психички проблеми.
Тие рекоа дека во оваа фаза од истрагата нема навестување дека инцидентот е поврзан со тероризам.
Портпаролот на француската влада Оливие Веран на прес-конференција рече дека владата ќе ги поддржи просветните работници ширум земјата по инцидентот.
„Тешко дека можам да ја замислам траумата од ова“, рече тој.