Лажните вести на социјалните мрежи имале големо влијание во изборот на Доналд Трамп за претседател на САД а овие лажни вести, објавени и од велешките тинејџери, биле споделувани и по 250.000 пати.
Влијанието било толку големо што Фејсбук и Твитер почнуваат сериозно да размислуваат на оваа тема и бараат начин да ги сопрат лажните информации кои се множат на нивните мрежи.
Марк Цукерберг, основачот на Фејсбук, се обидува да го минимизира влијанието на оваа мрежа во победата на Трамп. Но, според сајтот Buzzfeed, некои од неговите соработници имаат спротивен став па така одлучиле да формираат неформална група за да ги проучат можните одговори на овој феномен. Феномен во кој улога игра и Македонија.
Според сајтот, многумина од вработените во Фејсбук се незадоволни од официјалниот став на нивниот шеф Цукерберг а ги имало повеќе стотини. Некои од нив анонимно сведочеле зa Buzzfeed и потврдиле дека се состанале два пати и направиле список на препораки за да се спречи ширењето на лажни вести на Фејсбук.
И Твитер има проблеми. Мрежата избриша повеќе профили на лица од американската ултра-десница која себе си се нарекува “alt-right” што значи “алтернативна десница”. Истовремено Твитер активираше нова функција наречена “Mute Words” (Маскирање на зборови). Таа овозможува да се маскираат известувањата за некои клучни зборови и е начин да се спречи ширење на расистички и навредливи пораки на некои од корисниците на Твитер.
Функцијата “Mute Words” на Твитер овозможува да се маскираат известувањата за некои клучни зборови за да се спречи ширење на расистички и навредливи пораки на некои од корисниците на оваа мрежа.
На ова алтернативната десница почна да го обвинува Твитер за цензура и “се пресели” на алтернативната социјална мрежа ГАБ креирана од Ендрју Торба во август годинава. На оваа мрежа се дозволени пораки од 300 знаци што значи двојно повеќе отколку на Твитер.
Според истражувањето на Buzzfeed, за време на американската кампања, трите најзначајни профили на американската ултра-десница на Фејсбук објавиле 38 отсто лажни информации. Додека радикалната левица објавила 20 отсто лажни вести.
А една студија на Универзитетот на Јужна Каролина тврди дека петина од пораките на Твитер поврзани со изборната кампања во САД се постирани од страна на роботи.
На сцена стапија и сајтовите од Македонија како што НОВА веќе објави овде и овде.
Некои од овие лажни информации биле споделувани и по 250.000 пати а помеѓу “споделувачите” се наоѓа и Ерик Трамп, синот на новиот претседател.
Новинарите Крег Силверман и Лорен Александер избројаа над 100 про-Трамп сајта во Велес а Гардијан тврдеше дека ги имало над 150. Но, македонската игра не беше политичка туку комерцијална бидејќи секој клик на овие сајтови генерираше приход преку спонзорирани линкови. Според овие новинари, секое кликнување на овие сајтови на еден американски корисник носело четири пати повеќе пари отколку кликот на корисник од друг дел на светот.
Тинејџерите кои ги воделе овие сајтови брзо сфатиле дека само објавувањето на сензационални и најчесто лажни вести ги привлекува корисници на Фејсбук а некои од нив заработиле и по 5.000 долари месечно, велат Силверман и Александер.
Според белгискиот дневник Либр Белжик, некои од овие лажни информации биле споделувани и од 250.000 пати а помеѓу “споделувачите” се наоѓа и Ерик Трамп, синот на новиот претседател.