Published: Thursday, February 2, 2017 20:05
Лидерот на СДСМ, Зоран Заев заедно со Љупчо Николовски денеска се сретнале со амбасадорката на Мисијата на ОБСЕ во Македонија, Нина Суомалаинен и шефот за политички прашања Џеф Били.
На средбата Заев објаснил дека приоритет за неговата партија се спроведување на реформите на Прибе.
-Сите во државата, вклучувајќи го и претседателот Иванов, мора да ги почитуваат и да ги следат изборот и очекувањата на мнозинството граѓани, кои се изјаснија за промени. Нашиот став е дека треба што поскоро да почнат процедурите за формирање на новата Влада на сите граѓани на Македонија, рече претседателот Заев.
Заев рекол дека на изборите на 11 декември, победил концептот на заедништво и нивниот план бил во таа насока да ја градат Македонија.