Во пожар во станбена зграда во Њујорк загинаа најмалку 12 луѓе, меѓу нив и едногодишно дете. Бројката на загинати би можела и натаму да расте.
Градоначалникот на Њујотк, Бил де Блазио на прес-конференција рече дека четири други лица се тешко повредени и се наоѓаат во животна опасност. Според него, со оглед на бројот на жртвите овој пожар е еден од најтешките пожари во Њујорк по многу години.
Полицијата се уште рагата по други жртви на катастрофата.
Дванаесет луѓе беа спасени од пламените јазици од страна на припадниците на њујоршките противпожарни единици. Според извештаите на медиумите, двајца загинати биле пронајдени во када полна со вода, каде што очигледно побарале заштита од пожарот.Пожарот избувнал на првиот кат на станбена зграда во градската населба Бронкс во околу 19:00 по локално време (1:00 по средноевропско време) и многу брзо се проширил на останатите катови на зградата.
Пожарникарите се бореле со огнената на надворешна температура од минус десет Целзиусови степени. Според наводите на противпожарната служба, во гаснењето на пожарот биле вклучени 160 пожарникари.