Премиерот Зоран Заев, од вечерва, по завршување на посетата на Брисел, ја почнува работната посета на Софија за Меѓународната конференција на тема Wolrld Bank – Bulgarija: Celebrating 25+ years of partnership „Пoсилна регионална интеграција на Балканот“.
Како што соопштија од прес службата на Владата, Заев ќе биде придружуван од владина делегација во состав Кочо Анѓушев, заменик претседател на Владата, задолжен за економски прашања, Драган Тевдовски, министер за финансии и Горан Сугарески, министер за транспорт и врски.
Вечерва, тој ќе присуствува на вечерата, што ја организира премиерот на Република Бугарија, Бојко Борисов, во чест на премиерите од Западен Балкан, дојдени во Софија.
Меѓународната конференција „Посилна регионална интеграција на Балканот“ е утре и на неа е предвидено да се разговара за гранични олеснувања во регионот, со цел гранични олеснувања и на трговијата, како и за регионални ИТ и технолошки кластери, со цел отворање перспективи за приватниот сектор.
На маргините на Конференцијата, денеска, дел од владината делегација во Софија ќе се сретне со претставници на Светска банка на највисоко ниво.