Седум штитеници на пензионерски дом во Белгија починаа откако се заразиле со колумбиска варијанта на коронавирусот, и покрај тоа што биле целосно вакцинирани, рекоа денеска вирусолозите кои го анализирале вирусот.
Вирoлогот на Универзитетот во Левен, Марк Ван Ранст рече дека седумтемина починати во пензионерскиот дом во белгискиот град Завентем биле во осумдесеттите или деведесеттите години. Тој додава дека е загрижувачки што починале иако биле целосно вакцинирани. Во Завентем, 21 жител на пензионерски дом и неколку вработени се заразиле. Вработените во домот имале само благи симптоми.
„Научниците сеуште не знаат дали колумбиската варијанта се пренесува полесно од другите“, рече тој.
Оваа варијанта на коронавирусот, за прв пат се појавила во Колумбија и е потврдена во Соединетите држави, додека сеуште е ретка во Европа.