Бројот на загинатите лица во катастрофалниот земјотрес во Мексико се зголеми на 58 лица, соопштија од Службата за цивилна заштита.
Директорот на службата, Луис Фелипе Пуенте изјави дека се потврдени 45 жртви од државата Оахака, десет во државата Чиапас и три во државата Табаско.
Властите предупредуваат дека се очекува бројот на загинатите да се зголеми.
Повеќе од 260 силни вторични потреси се регистрирани по катастрофалниот земјотрес со интензитет од 8,2 степена.
Некои од секундарните потреси биле со интензитет од 6,1 степен.
Епицентарот на разорниот земјотрес се наоѓал на 137 километри југозападно од градот Тонала во државата Чапас, на длабочина од 58 километри под површината на земјата, соопшти Националната сеизмолошка служба на Мексико.
Системот за предупредување за цунами во САД предупреди на можни опасни бранови по должина на бреговите на Пацификот Мексико, Гватемала, Ел Салвадор, Костарика, Никарагва, Панама, Хондурас и Еквадор.